دلع السنيوريتا

دلع السنيوريتا

مع دلع السنيوريتا مش هتقدر تغمض عينيك
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

  عايزة مني ايه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: عايزة مني ايه    الثلاثاء مارس 15, 2011 6:59 pm

عايزة مني ايه تاني؟
عايزه ايه مني بعد ماسبتيني من بعدك كده؟
عايزه ايه بعد ماحبيتك وبعتيني؟
قوليلي وريحيني ....
انتي
الوحيده اللي عارفه اد ايه حبيتك.. اد ايه كان كلي ليكي .. مش لحد
غيرك..اد ايه كان نفسي تكوني ليا زي ما كنت وزي ما انا مش عارف اكون غير
ليكي..
حبيتك اوي وانتي عارفه وكان كلي ليكي وانتي سيبتي كل ده وسبتيني ومن غير اي مقدمات


عايزه ايه بقي بعد كل ده ؟

عايزه ايه بعد مافعلا اخدتي كل اللي كان ممكن اديه لاي انسان تاني .. مابقاش عندي اي حاجه اقدر اقدمها لاي حد
بقيت مش عارف احب تاني .. وكل ما احاول بجد الاقيني بظلم الانسانه اللي معايا فابعد تاني

عرفت
بعدك والله .. بس باكون معاها... وافكر فيكي تاني .. فارجع اخاف عليها
لانها ماتستهلش اني اظلمها كده.. وتكون النتيجه اني ارجع تاني لوحدي ....
لا مش لوحدي .. بتبقي معايا انتي وزكرياتنا مع بعض ...زكرايات بتعرفني قد
ايه انا كنت حد سازج...عاش حلم وصدقه

لاني وبعد كل اللي عملتيه .. وبعد ما سيبتيني ورحتي لغيري وبعد ما فعلا بقيتي ليه ... لسه مش شايف غيرك قدامي
ايوة لسه بحبك ومش عارف ابطل احبك

ولا عارف احب غيرك
وبعد كل ده انتي مش سايباني في حالي .. ليه بتلفي تاني عايزة ايه وانتي مع غيري ؟

عايزه ايه مني تاني وانتي معاه .. وتتعمدي وبمنتهي البراءه اللي انتي علي طول رسماها تعرفيني قد ايه انتي سعيده معاه
ليه بتطارديني ؟ وليه بتهدمي كل محاولة لنسيانك ؟
عايزة ايه؟ كده انتي مش عايزة الا انك تنهيني

لا انتي معايا ولا سايباني انساكي؟
لا قادر املا عيني وقلبي منك..... ولا سايباني ابعدهم عنك

يبقي
عايزة ايه ارجوكي صارحيني؟ ليه بتسالي تاني عليا ؟ ليه راجعه بنظراتك اللي
كانت زمان احلي حاجه بشوفها في حياتي ؟ ليه راجعه وببساطه كانك هتسيبيه
وترجعيلي؟ ليه اللعبه اللي مصممه تلعبيها معايا تاني ؟
ليه اللعبه اللي شكلك ادمنتيها ؟
سيبيني في حالي .. انتي مش ليا ولا هتكوني ليا وانتي اساسا بقيتي لغيري يبقي
اللي بنا خلص
وحتي
لو مبقتيش لغيري ومع اني لسه بحبك فعمرك ما هتكوني ليا... مينفعش نرجع لو
ده اللي عايزاه.. لان اللي انا فيه ده عمري ما هقدر انساه ..ولا هسامحك
عمري عليه

حكايتنا خلصت وسيبيني بيأس. احاول اهرب منك .. واحاول اعتبرك حكايه وخلصت

عقلي يقولي كفايه ولازم تبعد... وقلبي مش قادر
ياريت قلبي يطاوعني وينسي هواكي... ويبدا من جديد

الاصعب اني كل يوم بشوفك قدامي وغصب عني مفروض عليا اننا نتقابل ..
يمكن مش عارف ابطل اشوفك بعيني بس اكيد هييجي وقت وقلبي مش هيشوفك تاني زي ماهو مش شايف غيرك دلوقت

بس ياريت وعلي ما اقدر انساكي
تسيبيني
صدقيني كفايه انتي مش محتاجه كل ده .. انتي فعلا حققتي اللي كنتي عايزاه ودمرتيني خلاص وكان كل زنبي اني حبيتك

وارجع اقولك انك كمان خسرتي والله خسرتي حب عمر ما هييجي انسان في يوم ويحبك زيه .. حب ببساطه انتي ما تستهيلوش

بس احلي حاجه علمتيهالي .. واللي عمري ماكنت مصدقها.. او يمكن كنت خايف اصدقها

ان فعلا فيه ناس زيك

بس خايف لاني بادئ اصدق ان كله زيك

تفتكروا هي عايزه ايه؟ وتفتكروا اعمل ايه؟ انا غلط لما حبيتها كده؟
الرجوع الى أعلى الصفحة اذهب الى الأسفل
 
عايزة مني ايه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلع السنيوريتا ::   :: منتدى همس الخواطر-
انتقل الى: